തിരുവനന്തപുരം: ഒരു മുഖ്യമന്ത്രിക്കെതിരേ ഇത്രയധികം ആരോപണങ്ങൾ ഉയരുന്നത് ചരിത്രത്തിൽ തന്നെ ആദ്യമായിട്ടാണെന്ന് കേന്ദ്ര മന്ത്രി വി. മുരളീധരൻ. കേരള മുഖ്യമന്ത്രി പിണറായി വിജയൻ മാസ് ഡയലോഗുകളുടെ ആളാണ്. എഐ ക്യാമറ ഇടപാടിൽ അഴിമതി കാട്ടിയിട്ടില്ലെന്ന് ഇത്ര ഉറപ്പാണെങ്കിൽ എന്തുകൊണ്ടാണ് അന്വേഷണം കേന്ദ്ര ഏജൻസിയെ ഏൽപ്പിക്കാത്തതെന്നും അദ്ദേഹം ചോദിച്ചു.
മറ്റാരും അഴിമതി കാണിക്കരുത്, എല്ലാ അഴിമതിയും ഞാൻ ഒറ്റയ്ക്ക് ചെയ്തോളാമെന്നാണ് മുഖ്യമന്ത്രിയുടെ ഭാവമെന്നും അദ്ദേഹം കുറ്റപ്പെടുത്തി. സ്വർണക്കടത്തു മുതൽ ക്യാമറവരെ നീളുന്ന അഴിമതികൾ പുറത്തുവന്നു. എന്നിട്ടും വസ്തുതകളെക്കുറിച്ച് സംസാരിക്കാതെ മാസ് ഡയലോഗ് അടിക്കുകയാണ് മുഖ്യമന്ത്രിയെന്നും അദ്ദേഹം പരിഹസിച്ചു.
