തിരുവനന്തപുരം: ബിജെപി സംസ്ഥാന അധ്യക്ഷ സ്ഥാനത്തേക്ക് താനില്ലെന്ന് വി. മുരളീധരൻ. മാധ്യമങ്ങളോട് സംസാരിക്കവെയായിരുന്നു മുരളീധരന്‍റെ പ്രതികരണം. 15 വര്‍ഷം മുമ്പ് ഞാന്‍ സംസ്ഥാന അധ്യക്ഷ സ്ഥാനം ഒഴിഞ്ഞതാണ്. ഇനി തിരിച്ച് ആ സ്ഥാനത്തേക്കില്ലെന്നും പാർട്ടി ധാരാളം ചുമതല നൽകിയിട്ടുണ്ടെന്നും അദ്ദേഹം പറഞ്ഞു.
തെരഞ്ഞെടുപ്പ് തോല്‍വിയുമായി ബന്ധപ്പെട്ട കാര്യങ്ങള്‍ പാര്‍ട്ടി വേദിയില്‍ പറയുമെന്നും മാധ്യമപ്രവര്‍ത്തകരുടെ ചോദ്യത്തിന് മറുപടിയായി വി. മുരളീധരന്‍ പറഞ്ഞു.
