കോട്ടയം: പാലാ വാളികുളത്ത് കുടിവെള്ള ടാങ്കർ ലോറിയും സ്കൂട്ടറും കൂട്ടിയിടിച്ച് ഒരാൾ മരിച്ചു. സ്കൂട്ടർ യാത്രക്കാരനായ ഉള്ളനാട് കൂടമറ്റത്തിൽ ബേബി ജോസഫ് (45) ആണ് അപകടത്തിൽ മരിച്ചത്. ഇദ്ദേഹം സഞ്ചരിച്ച സ്കൂട്ടർ വെള്ളം കയറ്റിയെത്തിയ ടാങ്കർ ലോറിയുമായി കൂട്ടിയിടിക്കുകയായിരുന്നു.
റോഡിൽ വീണ ഇദ്ദേഹത്തെ നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. രണ്ട് മാസം മുൻപ് ഇതേ സഥലത്തുണ്ടായ അപകടത്തിൽ ഒരാൾ മരിച്ചിരുന്നു. സംഭവത്തിൽ പാലാ പൊലീസ് കേസെടുത്തു.
