കൽപ്പറ്റ: വയനാട്ടിൽ വീണ്ടും കാട്ടാന ആക്രമണം. സുഗന്ധഗിരി സ്വദേശി വിജയന് പരുക്കേറ്റു. ഇന്ന് രാവിലെയായിരുന്നു സംഭവം. വീട്ടിൽ നിന്നും ജോലിക്കു പോവാനായി ഇറങ്ങിയപ്പോഴായിരുന്നു ആക്രമണം.
ആക്രമണത്തിൽ പരുക്കേറ്റ വിജയനെ മാനന്തവാടി മെഡിക്കൽ കോളെജ് ആശുപത്രിയിൽ പ്രവേശിപ്പിച്ചെങ്കിലും പിന്നീട് വിദഗ്ധ ചികിത്സക്കായി കോഴിക്കോട് മെഡിക്കൽ കോളെജിലേക്ക് മാറ്റി.
