കടുവയെ ഭയന്ന് കുട്ടിയാനയുമായി കാട്ടാനക്കൂട്ടം ജനവാസമേഖലയിൽ; നിരീക്ഷിച്ച് വനപാലകർ

മൂന്നാർ: ഇരവികുളം പാർക്കിന് സമീപം നേമക്കാട് ഷോലയിലെ തേയിലത്തോട്ടത്തിൽ കുട്ടിയാനയുൾപ്പെടെയുള്ള കാട്ടാനക്കൂട്ടം ഇറങ്ങി. പടയപ്പ ഉൾപ്പെടെയുള്ള കാട്ടാനക്കൂട്ടത്തിൽ 2 കാട്ടാനകളും ഒരു കുട്ടിയാനയുമാണ് ഉള്ളത്.

ഷോലയാർ വനത്തിൽ കടുവയുടെ സാന്നിധ്യം കണ്ടതോടെ കുട്ടിയാനയെ സംരക്ഷിക്കാനാവും ആനക്കൂട്ടം ജനവാസ മേഖലയിലേക്കെത്തിയതെന്നാണ് വനം വകുപ്പിന്‍റെ നിഗമനം. കുട്ടിയാനയ്ക്ക് മൂന്നു മാസമാണ് പ്രായം.

വനപാലക സംഘം കാട്ടാനക്കൂട്ടത്തെ നിരീക്ഷിച്ചു വരികയാണ്. മൂന്നാർ- മറയൂർ റോഡിൽ നിന്നും ഒരു കിലോമീറ്റർ അകലെ തേയില തോട്ടത്തിലാണ് ആനക്കൂട്ടം നിലയുറപ്പിച്ചിരിക്കുന്നത്. വെയിൽ കനക്കുമ്പോൾ സംഘം മരത്തണലിലേക്ക് മാറുന്നുണ്ട്.