മലമ്പുഴയിൽ കാട്ടാനക്കൂട്ടം; മത്സ്യത്തൊഴിലാളി രക്ഷപെട്ടത് തലനാരിഴയ്ക്ക്

പാലക്കാട്: മലമ്പുഴ കരടിയോടിൽ മത്സ്യത്തൊഴിലാളിക്കു നേരെ കാട്ടാനക്കൂട്ടത്തിന്‍റെ ആക്രമണം. കല്ലേപ്പുലള്ളി സ്വദേശി സുന്ദരനാണ് തലനാരിഴയക്ക് രക്ഷപ്പെട്ടത്. സുന്ദരൻ സഞ്ചരിച്ച വാഹനം കാട്ടാനക്കൂട്ടം തകർത്തു.

പാലക്കാട് കനത്ത ചൂടുമൂലം വെള്ളം തേടി കാട്ടാനക്കൂട്ടങ്ങൾ മലമ്പുഴ ഡാമിന്‍റെ വൃഷ്ടിപ്രദേശങ്ങളിൽ എത്തുന്നുണ്ട്. രാവിലെ 5 മണിക്ക് മീൻ പിടിക്കാൻ ഡാമിൽ എത്തിയതായിരുന്നു സുന്ദരൻ. വാഹനത്തിൽ നിന്ന് ഇറങ്ങുന്നതിനിടെ കാട്ടാനക്കൂട്ടം ഇയാളുടെ നേരെ പാഞ്ഞടുക്കുകയായിരുന്നു. തുമ്പിക്കൈ ദേഹത്ത് കൊണ്ടെങ്കിലും വാഹനം ഉപേക്ഷിച്ച് അയാൾ ഓടിരക്ഷപെടുകയായിരുന്നു.