സര്വീസ് ചട്ടം ലംഘിച്ചു; ദിവ്യ എസ്. അയ്യര് പരാതി നല്കി യൂത്ത് കോണ്ഗ്രസ്
തിരുവനന്തപുരം: മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ. രാഗേഷിനെ സിപിഎം കണ്ണൂർ ജില്ലാ സെക്രട്ടറിയായി നിയമിച്ചതിനു പിന്നാലെ ദിവ്യ എസ്. അയ്യർ നടത്തിയ പുകഴ്ത്തൽ സർവീസ് ചട്ടം ലംഘിച്ചാണെന്ന് കാട്ടി യൂത്ത് കോൺഗ്രസ് പരാതി നൽകി.
ഐഎഎസ് ഉദ്യോഗസ്ഥർക്ക് ഉണ്ടാകേണ്ട രാഷ്ട്രീയ നിഷ്പക്ഷതക്ക് എതിരാണ് പോസ്റ്റ് എന്ന് യൂത്ത് കോൺഗ്രസ് ജില്ലാ പ്രസിഡന്റ് വിജിൽ മോഹന്റെ പരാതിയിൽ പറയുന്നു.
സര്ക്കാര് ഉദ്യോഗസ്ഥ പൊളിറ്റിക്കല് സ്റ്റേറ്റ്മെന്റ് നടത്താന് പാടില്ല. രാഗേഷിനെ പുകഴ്ത്തിക്കൊണ്ടുള്ള ദിവ്യയുടെ പോസ്റ്റ് ഐഎഎസ് ഉദ്യോഗസ്ഥര് പാലിക്കേണ്ട 1968 ലെ പെരുമാറ്റച്ചട്ടത്തിലെ ചട്ടം 5 ന് എതിരാണെന്നും പരാതിയില് ചൂണ്ടിക്കാട്ടുന്നു.
