തിരുവനന്തപുരം: പൊതുമരാമത്ത് മന്ത്രി മുഹമ്മദ് റിയാസിനെതിരെ പ്രതിഷേധിച്ച യൂത്ത് കോൺഗ്രസ് പ്രവർത്തകരെ പൊലീസ് കസ്റ്റഡിയിലെടുത്തു. വാഴപ്പിണ്ടിയുമായി പ്രതിഷേധിച്ചെത്തിയ കാട്ടക്കടയിലെ 5 യൂത്ത് കോൺഗ്രസ് പ്രവർത്തകരെയാണ് പൊലീസ് അറസ്റ്റു ചെയ്ത് നീക്കിയത്.
റിയാസ് പ്രതിപക്ഷത്തിനെതിരെ നിയമസഭയിൽ നടത്തിയ വാഴപ്പിണ്ടി പരാമർശത്തിൽ പ്രതിഷേധിച്ചാണ് പ്രവർത്തകർ എത്തിയത്. തുടർന്ന് ഇവരെ പൊലീസ് അറസ്റ്റു ചെയ്ത് നീക്കുകയായിരുന്നു.
