തമിഴ്നാട്ടിൽ ബൈക്കും ബസും കൂട്ടിയിടിച്ച് അപകടം; കോതമംഗലം സ്വദേശികൾ മരിച്ചു

ബാംഗ്ലൂരിൽ ജോലിക്ക് പോകവേ തമിഴ്നാട്ടിലെ ഈറോഡ് ഭവാനി ക്ക് സമീപം ചീത്തോട് വെച്ചാണ് ബൈക്കും ബസും കൂട്ടിയിടിച്ചത്
മനു മണിയപ്പൻ |  ഹണി സേവ്യർ
മനു മണിയപ്പൻ |  ഹണി സേവ്യർ

കോതമംഗലം: ബൈക്കും ബസും കൂട്ടിയിടിച്ച് ബൈക്ക് യാത്രികർ മരിച്ചു. പല്ലാരിമംഗലം പഞ്ചായത്ത് അഞ്ചാം വാർഡിൽ താമസിക്കുന്ന പൈമറ്റം പുതുപ്പറമ്പിൽ മനു മണിയപ്പൻ (24), വാരപ്പെട്ടി ഇഞ്ചൂർ കരയിൽ ഓലിക്കൽ വീട്ടിൽ ഹണി സേവ്യർ (24) എന്നിവരാണ് മരിച്ചത്.

ബാംഗ്ലൂരിൽ ജോലിക്ക് പോകവേ തമിഴ്നാട്ടിലെ ഈറോഡ് ഭവാനി ക്ക് സമീപം ചീത്തോട് വെച്ചാണ് ബൈക്കും ബസും കൂട്ടിയിടിച്ചത്. ചൊവ്വാഴ്ച വൈകിട്ട് കോതമംഗലത്തു നിന്ന് ജോലിക്കായി പോയതാണ്. ബുധൻ വെളുപ്പിന് അഞ്ചിനാണ് അപകടം. ഇരുവരുടെയും മൃതദേഹം പോസ്റ്റ്മോർട്ടത്തിനുശേഷം സംസ്കരിക്കും. മനുവിന്റെ അച്ഛൻ: മണിയപ്പൻ, അമ്മ: സരസമ്മ. ഹണിയുടെ അച്ഛൻ സേവ്യർ, അമ്മ: മേരി. സഹോദരി സ്റ്റാനിയ സേവ്യർ.

Related Stories

No stories found.

Latest News

No stories found.
logo
Metro Vaartha
www.metrovaartha.com