തൃശൂർ: ടിഎന്ടി ചിറ്റ്സ് പ്രൈവറ്റ് ലിമിറ്റഡ് സ്ഥാപനത്തിന്റെയും ഉടമകളുടെയും പേരിലുള്ള സ്ഥാവര ജംഗമ വസ്തുക്കള് താത്കാലികമായി ജപ്തി ചെയ്യാനും, പ്രസ്തുത വസ്തുവകകളുടെ താത്കാലിക ജപ്തി സ്ഥിരമാക്കാനും, നിയുക്ത കോടതി മുമ്പാകെ ഹര്ജി ഫയല് ചെയ്യാനും ജില്ലാ മജിസ്ട്രേറ്റ് ഉത്തരവിട്ടു. ബഡ്സ് ആക്ട് 2019 നിയമവിരുദ്ധമായി പൊതുജനങ്ങള്ക്ക് അമിത പലിശ വാഗ്ദാനം ചെയ്ത് നിക്ഷേപം സ്വീകരിക്കുകയും നിക്ഷേപകര് ആവശ്യപ്പെട്ടിട്ടും പണം തിരികെ നല്കാതെ വഞ്ചനാകുറ്റം ചെയ്തതായി ബോധ്യപ്പെട്ടതിന്റെയും അടിസ്ഥാനത്തിലാണ് നടപടി.
പ്രതികളുടെ ജില്ലയിലെ എല്ലാ സ്ഥാവര ജംഗമ വസ്തുക്കളും തിട്ടപ്പെടുത്തി കണ്ടുകെട്ടുന്നതിനായി സ്ഥാവര സ്വത്തുകളുടെ മഹസര്, ലൊക്കേഷന് സ്കെച്ച്, തണ്ടപ്പേര് പകര്പ്പ് എന്നിവയുള്പ്പെടെ റിപ്പോര്ട്ട് തഹസില്ദാര്മാര് തയാറാക്കും. ജില്ലാ രജിസ്ട്രാര് പ്രതികളുടെ സ്ഥാവര സ്വത്തുകളുടെ തുടര്ന്നുള്ള വില്പന നടപടികള് താത്കാലികമായി മരവിപ്പിക്കാനാവശ്യമായ നിര്ദേശങ്ങള് ബന്ധപ്പെട്ട എല്ലാ സബ് രജിസ്ട്രാര് ഓഫീസര്മാര്ക്കും അടിയന്തരമായി നല്കും.
പ്രൈസ് ചിറ്റ്സ് ആന്ഡ് മണി സര്ക്കുലേഷന് സ്കീംസ് (ബാനിങ്) ആക്ടിലെ വ്യവസ്ഥകള്ക്ക് വിരുദ്ധമായി ഓണ്ലൈന് മണിചെയിന് ബിസിനസ് നടത്തിയ giveNtake.world (പ്രശാന്ത് പനച്ചിക്കല് മാര്ക്കറ്റിങ് പ്രൈവറ്റ് ലിമിറ്റഡ്) സ്ഥാപനത്തിന്റെയും ഉടമയുടെയും പേരിലുള്ള സ്ഥാവര ജംഗമ വസ്തുക്കള് ബഡ്സ് ആക്റ്റ് പ്രകാരം താല്ക്കാലികമായി ജപ്തി ചെയ്യുന്നതിനും നടപടി സ്ഥിരമാക്കുന്നതിനും നിയുക്ത കോടതി മുമ്പാകെ ഹര്ജി ഫയല് ചെയ്യുന്നതിനും ജില്ലാ മജിസ്ട്രേറ്റ് ഉത്തരവിട്ടു.
പ്രതികളുടെ പേരില് ജില്ലയിലെ ബാങ്കുകള്, ട്രഷറികള്, സഹകരണ സ്ഥാപനങ്ങള് എന്നിവിടങ്ങളില് ആരംഭിച്ച എല്ലാത്തരം അക്കൗണ്ടുകളും ഫിക്സഡ് ഡെപ്പോസിറ്റുകളും മരവിപ്പിക്കുന്നതിനാവശ്യമായ നടപടികള് എല്ലാ സ്ഥാപന മേധാവിമാരും അടിയന്തരമായി സ്വീകരിക്കണം. ജില്ലയിലെ എല്ലാ ബാങ്ക് മാനെജര്മാര്ക്കും ഇത് സംബന്ധിച്ചുള്ള അറിയിപ്പ് നല്കാന് തൃശൂര് ലീഡ് ബാങ്ക് മാനെജരെ ചുമതലപ്പെടുത്തി.