വൈദ്യുതി ലൈൻ വീട്ടുമുറ്റത്തേക്ക് പൊട്ടി വീണ് വീട്ടമ്മ മരിച്ചു

കോഴിക്കോട്: വടകരയിൽ വൈദ്യുതി ലൈൻ വീട്ടുമുറ്റത്തേക്ക് പൊട്ടി വീണ് വീട്ടമ്മ മരിച്ചു. തോടന്നൂർ ആശാരികണ്ടി ഉഷയാണ് (53) മരിച്ചത്. ശനിയാഴ്ച രാവിലെ മുറ്റമടിക്കുമ്പോൾ പറമ്പിലെ മരം വൈദ്യുതി ലൈനിൽ വീണ് മുറ്റത്തേക്ക് വീഴുകയായിരുന്നു.

ഇതിൽ നിന്ന് ഉഷയ്ക്ക് ഷോക്കേൽക്കുകയായിരുന്നു. ഉടനെ വടകര ജില്ലാ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. വടകര ജില്ലാ ആശുപത്രിയിലെ മോർച്ചറിയിൽ മൃതദേഹം സൂക്ഷിച്ചിരിക്കുകയാണ്.