കോട്ടയം: കാറുമായി കൂട്ടിയിടിച്ച് കെഎസ്ആർടിസി ബസ് മറിഞ്ഞു. എംസി റോഡിൽ കുറുവിലങ്ങാടിനു സമീപം വെള്ളിയാഴ്ച ഉച്ചയ്ക്ക് 12 ഓടെയായിരുന്നു അപകടം. കാറിലും ബസിലും യാത്ര ചെയ്തവക്ക് പരിക്കേറ്റതായാണ് വിവരം. ഇവരെ മെഡിക്കൽ കോളെജ് ആശുപത്രിയിലും സ്വകാര്യ ആശുപത്രിയിലേക്കും മാറ്റി.
മൂന്നാറിലേക്ക് പോയ സൂപ്പർ ഫാസ്റ്റ് ബസാണ അപകടത്തിൽപെട്ടത്. ബസിൽ 30 ഓളം യാത്രക്കാരുണ്ടായിരുന്നു. അപകടത്തിനു പിന്നാലെ എംസി റോഡിൽ ഗതാഗതക്കുരുക്കുണ്ടായിരുന്നു. തുടർന്ന് പൊലീസ് സ്ഥലത്തെത്തി നടപടികൾ സ്വീകരിച്ചു.