മാധ്യമപ്രവർത്തകരെ ചേർത്തുപിടിച്ച് കോട്ടയം എം.പി

മാധ്യമപ്രവർത്തകർക്കുള്ള റെയ്ൽവേ യാത്ര സൗജന്യം പുന:സ്ഥാപിക്കുന്ന കാര്യം ലോക്സഭയിൽ ഉന്നയിക്കും
kottayam mp
kottayam mp

കോട്ടയം: കേന്ദ്രസർക്കാരിന്റെ ക്ഷേമ പദ്ധതികളിൽ മാധ്യമപ്രവർത്തകരെയും ഉൾപ്പെടുത്താൻ സമ്മർദം ചെലുത്തുമെന്ന് നിയുക്ത എം.പി ഫ്രാൻസിസ് ജോർജ്. കോട്ടയം പ്രസ്ക്ലബ് സംഘടിപ്പിച്ച ലോക്സഭാ തെരഞ്ഞെടുപ്പ് പ്രവചന മത്സരത്തിൽ വിജയികളായവർക്കുള്ള സമ്മാനദാനം നിർവഹിക്കുകയായിരുന്നു അദ്ദേഹം.

മാധ്യമപ്രവർത്തകർക്കുള്ള റെയ്ൽവേ യാത്ര സൗജന്യം പുന:സ്ഥാപിക്കുന്ന കാര്യം ലോക്സഭയിൽ ഉന്നയിക്കും. 50% ഇളവോടെയുള്ള റെയ്ൽവേ യാത്ര കൊവിഡ് കാലത്താണ് പിൻവലിച്ചത്. കേന്ദ്രസർക്കാരിന്റെ ഇതര ക്ഷേമ പദ്ധതികളിലും മാധ്യമ പ്രവർത്തകരെ ഗുണഭോക്താക്കളാക്കാൻ മുൻകൈ എടുക്കുമെന്നും അദ്ദേഹം പറഞ്ഞു.

തെരഞ്ഞെടുപ്പ് പ്രവചന മത്സരത്തിൽ വിജയികളായവരെ അദ്ദേഹം അഭിനന്ദിച്ചു. പത്രപ്രവർത്തകർ നൽകിയ കുട അദ്ദേഹം സ്വീകരിക്കുകയും ചെയ്തു. പ്രസ് ക്ലബ് പ്രസിഡൻറ് ജോസഫ് സെബാസ്റ്റ്യൻ, സെക്രട്ടറി റോബിൻ പി തോമസ് എന്നിവർ പ്രസംഗിച്ചു.

Trending

No stories found.

Latest News

No stories found.