കോഴിക്കോട് സഹോദരിമാരെ വീടിനുള്ളില് മരിച്ച നിലയില് കണ്ടെത്തി
file image
കോഴിക്കോട്: സഹോദരിമാരെ വീടിനുള്ളില് മരിച്ച നിലയില് കണ്ടെത്തി. കോഴിക്കോട് തടമ്പാട്ടുത്താഴത്ത് വാടകയ്ക്ക് താമസിക്കുന്ന ശ്രീജയ, പുഷ്പലളിത എന്നിവരെയാണ് മരിച്ച നിലയില് കണ്ടെത്തിയത്. ഇളയസഹോദരന് പ്രമോദിനൊപ്പമാണ് ഇരുവരും താമസിച്ചിരുന്നത്. സഹോദരിമാര് മരിച്ചതായി പ്രമോദാണ് ബന്ധുക്കളെ വിളിച്ച് പറഞ്ഞത്.
ബന്ധുക്കള് വീട്ടില് എത്തിയപ്പോള് രണ്ട് മുറികളിലായി കട്ടിലില് വെള്ളപുതപ്പിച്ച നിലയിലായിരുന്നു മൃതദേഹങ്ങള്. എന്നാല്, ബന്ധുക്കൾ വീട്ടിലെത്തിയപ്പോൾ പ്രമോദ് സ്ഥലത്തില്ലായിരുന്നു.
തുടർന്ന് ബന്ധുക്കള് പൊലീസിനെ വിളിച്ച് വിവരം അറിയിക്കുകയായിരുന്നു. കഴിഞ്ഞ മൂന്ന് വര്ഷമായി ഇവർ തടമ്പാട്ടുതാഴത്തെ വാടക വീട്ടിലാണ് താമസിച്ചിരുന്നത്.
മരിച്ച ശ്രീജയയ്ക്കും പുഷ്പലളിതയ്ക്കും ആരോഗ്യപ്രശനങ്ങള് ഉണ്ടായിരുന്നതായി അയല്വാസികള് പറയുന്നു. പൊലീസ് നടത്തിയ അന്വേഷണത്തില് ഫറോക്ക് റെയില്വേ സ്റ്റേഷന് സമീപത്തുനിന്നു പ്രമോദിന്റെ ഫോണിന്റെ ടവര് ലൊക്കേഷന് കണ്ടെത്തിയെങ്കിലും പിന്നീട് ഫോണ് സ്വിച്ച് ഓഫ് ചെയ്ത നിലയിലാണ്.
