Local
ഭൂതത്താൻകെട്ട് ചെക്ക്പോസ്റ്റിനടുത്ത് പുലിയിറങ്ങി | Video
ഭൂതത്താൻകെട്ട് വിനോദസഞ്ചാര കേന്ദ്രത്തിന് സമീപം പുള്ളിപ്പുലി; കെഎസ്ആർടിസി യാത്രക്കാരും കാറിലുണ്ടായിരുന്നവരും ദൃശ്യങ്ങൾ പകർത്തി
കോതമംഗലം: വിനോദ സഞ്ചാര കേന്ദ്രമായ ഭൂതത്താൻകെട്ട് ചെക്ക്പോസ്റ്റിനുസമീപം പുള്ളിപ്പുലിയെ കണ്ടു. ജനവാസമേഖലയ്ക്കു സമീപം ചൊവ്വ വൈകിട്ട് ചെക്ക്പോസ്റ്റിനും എസ് വളവിനും ഇടയിലുള്ള പാറപ്പുറത്താണ് പുലിയെ കണ്ടത്.
കോതമംഗലം - വടാട്ടുപാറ റൂട്ടിലെ കെഎസ്ആർടിസി യാത്രക്കാരും കാറിൽ വന്ന യാത്രക്കാരുമാണ് പുള്ളിപ്പുലിയെ കണ്ടത്. കണ്ടവരിൽ ചിലർ ഉടൻതന്നെ ഫോട്ടൊയും വിഡിയൊയും പകർത്തുന്നതിനിടയിൽ പുലി കാട്ടിലേക്ക് ഓടിമറഞ്ഞു. പതിവായി സന്ദർശകർ വാഹനങ്ങൾ പാർക്ക് ചെയ്ത് വിശ്രമിക്കുന്ന സ്ഥലമാണിത്.
