റെയിൽവേ ഉദ്യോഗസ്ഥൻ രാജശേഖരൻ
കാസർഗോഡ്: കുമ്പളയിൽ ഓടുന്ന ട്രെയിനിൽ കയറുന്നതിനിടെ താഴെ വീണ റെയിൽവേ ഉദ്യോഗസ്ഥന്റെ കൈ അറ്റു. തമിഴ്നാട് തിരുനെൽവേലി സ്വദേശി രാജശേഖരനാണ് (36) അപകടത്തിൽപെട്ടത്. വലതുകൈയാണ് അറ്റത്. വെള്ളിയാഴ്ച ഉച്ചയ്ക്ക് 3 മണിയോടെയായിരുന്നു അപകടം.
കുമ്പളയിൽ വച്ച് തിരുവനന്തപുരം സെൻട്രൽ എക്സ്പ്രസിൽ കയറുന്നതിനിടെ താഴേയ്ക്ക് വീണ രാജശേഖരന്റെ കൈ പ്ലാറ്റ്ഫോമിനും ട്രെയിനിനും ഇടയിൽ കുടുങ്ങുകയായിരുന്നു. സമീപത്തുണ്ടായിരുന്നു ഉടൻ തന്നെ പിടിച്ച് കയറ്റിയെങ്കിലും കൈ അറ്റു പോവുകയായിരുന്നു. നിലവിൽ ഇയാൾ ചികിത്സയിലാണ്.
