ആലുവയിൽ തെങ്ങ് വീണ് വിദ്യാർഥിക്ക് ദാരുണാന്ത്യം

കൊച്ചി: ആലുവയിൽ തെങ്ങ് വീണ് വിദ്യാർഥിക്ക് ദാരുണാന്ത്യം. ആലുവ ഹോളി ഗോസ്റ്റ് കോൺവെന്‍റിലെ ഏഴാം ക്ലാസ് വിദ്യാർഥിയായ സിനാനാണ് മരിച്ചത്. ഉണങ്ങി നിന്നിരുന്ന തെങ്ങിലെ പൊത്തിൽ നിന്നും തത്തയെ പിടിക്കുന്നതിനിടെയാണ് തെങ്ങ് സിനാന്‍റെ ദേഹത്ത് വീണത്.

ഉടൻ തന്നെ ആശുപത്രിയിലെത്തിച്ചെങ്കിലും രക്ഷിക്കാൻ സാധിച്ചില്ല. വയലക്കാട് വീട്ടിൽ സുധിറിന്‍റെയും സബിയയുടെയും മകനാണ്.