തിരുവനന്തപുരം: നഗരത്തിലെ പെട്രോള് പമ്പുകളിൽ ഗതാഗത ക്രമീകരണം ഏർപ്പെടുത്തി സിറ്റി പൊലീസ്. പെട്രോള് പമ്പുകളിലെ രണ്ടു വശങ്ങളിൽ കൂടി വാഹനങ്ങള് കയറുകയും ഇറങ്ങുകയും ചെയ്യുന്നതുമൂലം പമ്പിനു സമീപമുള്ള റോഡുകളിലും പമ്പിനകത്തും ഉണ്ടാകുന്ന ഗതാഗതതിരക്ക് നിയന്ത്രിക്കാനാണ് നടപടി.
നിയന്ത്രണം ഇങ്ങനെ:
പെട്രോള് പമ്പുകളില് ഇടതു വശത്തുകൂടി വാഹനങ്ങള് അകത്തേക്ക് പ്രവേശിച്ച്, വലതു വശത്തു കൂടി പുറത്തേക്ക് പോകണം. വാഹനങ്ങള് ഗതാഗത തടസമുണ്ടാകാത്തവിധത്തില് ക്യൂവായി ഇന്ധനം നിറയ്ക്കണം. പെട്രോള് പമ്പ് ഉടമ എൻട്രി, എക്സിറ്റ് ബോര്ഡുകള് പമ്പുകളിൽ സ്ഥാപിക്കണം.