കോതമംഗലം : റോഡരുകിൽ നിർത്തിയിട്ടിരുന്ന കാറിന്റെ മുകളിൽ മരം വീണു. നേര്യമംഗലം ഇടുക്കി റൂട്ടിൽ മണിയമ്പാറ തൊണ്ണൂറ് സെന്റ് കോളനിയിൽ സുര എന്നയാളുടെ ഓംനി വാനിന്റെ മുകളിലേക്ക് ഫോറസ്റ്റ് വക മരം വീഴുകയായിരുന്നു. ഇതിനെത്തുടർന്ന് ഇടുക്കി റോഡ് തടസപ്പെട്ടു. വെള്ളിയാഴ്‌ച രാവിലേ 6.30 നായിരിന്നു സംഭവം.
കോതമംഗലത്ത് നിന്നും അഗ്നി രക്ഷ നിലയം ഗ്രേഡ് അസ്സി.സ്റ്റേഷൻ ഓഫീസർ കെ.എം മുഹമ്മദ് ഷാഫിയുടെ നേതൃത്വത്തിലെത്തിയ അഗ്നി രക്ഷാ സേന മരം മുറിച്ചു നീക്കി ഗതാഗത തടസം നീക്കി. സേനാംഗങ്ങളായ അനുരാജ് എം.ആർ ഷാനവാസ് പി.എം. രാഗേഷ് കുമാർ, നിസാമുദ്ദീൻ, രാമചന്ദ്രൻ നായർ.റ്റി. എന്നിവരും ദൗത്യത്തിൽ പങ്കാളികളായി.
