കോതമംഗലത്ത് വീടിനു സമീപത്തെ കിണറ്റിൽ കാട്ടാന വീണു; കരകയറ്റാൻ സമ്മതിക്കാതെ പ്രദേശവാസികൾ
കോതമംഗലം: പൂയംകുട്ടിക്ക് സമീപം കൂവപ്പാറയിൽ വീടിനു സമീപത്തെ കിണറ്റിൽ കാട്ടാന വീണു. ചൊവ്വ പുലർച്ചെ കൂവപ്പാറ കട്ടായത്ത് അലിയാരുടെ വീടിന് സമീപത്തെ കിണറ്റിലാണ് ആന വീണത്.
ആനയെ കരയ്ക്കെത്തിക്കാൻ സജ്ജീകരണവുമായി വനപാലകരെത്തിയെങ്കിലും കയറ്റാൻ സമ്മതിക്കാതെ നാട്ടുകാർ പ്രതിഷേധിച്ചു. ആനയെ അവിടെയുള്ള വനത്തിൽ വിടാതെ മയക്കു വെടി വെച്ച് മറ്റ് എവിടെയെങ്കിലും കൊണ്ടുപോകണമെന്നാണ് പ്രതിഷേധക്കാരുടെ ആവശ്യം
