അങ്കമാലി ജനവാസ മേഖലയിൽ കാട്ടാന
അങ്കമാലി: അങ്കമാലി അയ്യമ്പുഴയിലെ ജനവാസ മേഖലയിൽ കാട്ടാനയിറങ്ങിയത് പരിഭ്രാന്തി പരത്തുന്നു. ഇന്നലെ രാത്രിയോടെയാണ് രണ്ട് കാട്ടാനകൾ പഞ്ചായത്തിലെ ഒമ്പതാം വാർഡിലുള്ള ജനവാസമേഖലയിൽ എത്തിയത്. വനപാലകരും പൊലീസും സ്ഥലത്തെത്തിയിട്ടുണ്ട്.
ഡ്രോൺ ഉപയോഗിച്ചുള്ള പരിശോധന തുടരുകയാണ്. ആനകളെ തുരത്താനുള്ള ശ്രമങ്ങൾ തുടരുകയാണ്. കഴിഞ്ഞ കുറച്ചു ദിവസങ്ങളായി മേഖലയിൽ ആനയുടെ ശല്യമുണ്ടെന്ന് നാട്ടുകാർ പരാതിപ്പെട്ടിരുന്നു. പ്രദേശത്തെ വിവിധ കൃഷിയിടങ്ങൾ ആന നശിപ്പിച്ചതായും പരാതിയുണ്ട്.
