താമരശേരിയിൽ യുവാവിനെ കുത്തി പരുക്കേൽപ്പിച്ചു

കോഴിക്കോട്: താമരശേരിയിൽ യുവാവിനെ കുത്തി പരുക്കേൽപ്പിച്ച് അക്രമി സംഘം. അമ്പായത്തോട് അറമുക്ക് സ്വദേശ ജിനീഷിനാണ് കുത്തേറ്റത്. കാറിൽ എത്തിയ സംഘം യുവാവിനെ ആക്രമിക്കുകയും തുടർന്ന് കുത്തി പരുക്കേൽപ്പിക്കുകയും ചെയ്യുകയായിരുന്നു.

ജിനീഷിന്‍റെ കാറിന്‍റെ ചില്ല് തകർത്തിട്ടുണ്ട്. വ്യാഴാഴ്ച രാത്രിയോടെയാണ് ജിനീഷിന് പരുക്കേൽക്കുന്നത്. ഇയാൾ നിരവധി കേസുകളിലെ പ്രതിയാണെന്നാണ് പൊലീസിന്‍റെ റിപ്പോർട്ട്. ഇയാളിൽ നിന്ന് കത്തി പൊലീസ് കണ്ടെത്തിയിട്ടുണ്ട്. പ്രതികളിൽ ഒരാളെ പൊലീസ് അറസ്റ്റ് ചെയ്തു.