താനെ: പിറന്നാൾ ആഘോഷത്തിനിടെ 21 കാരിയെ കൂട്ടബലാത്സംഗം ചെയ്ത കേസിൽ ഈസ്റ്റ് പൊലീസ് 2 പേരെ അറസ്റ്റ് ചെയ്തു. മദ്യത്തിൽ മയക്കു മരുന്ന് കലർത്തിയെന്നാരോപിച്ച് ഇരയുടെ കോളെജിൽ ഒരുമിച്ചു പഠിക്കുന്ന വിദ്യാർഥിനിയെയും കസ്റ്റഡിയിലെടുത്തതായി പൊലിസ് അറിയിച്ചു.
സെപ്തംബർ 6 ന്, ഇരയെയും സുഹൃത്തിനെയും പ്രതികൾ പാർട്ടിയിലേക്ക് ക്ഷണിക്കുകയായിരുന്നു. രാത്രി മുഴുവൻ പാർട്ടി നീണ്ടു നിന്നെന്നും എല്ലാവരും തന്നെ മദ്യലഹരിയിലായിരുന്നു എന്നും പൊലീസ് പറഞ്ഞു. മദ്യപിച്ച ശേഷം ഇരയും ഇരയുടെ വനിതാ സുഹൃത്തും ഉറങ്ങുന്നതിനിടെ പ്രതികളായ ഇരുവരും ചേർന്ന് ബലാത്സംഗം ചെയ്യുകയായിരുന്നു. വീട്ടിലെത്തിയ ശേഷം പീഡിപ്പിക്കപ്പെട്ടതായി തിരിച്ചറിഞ്ഞ യുവതി പിന്നീട് പൊലീസിൽ പരാതിപെടുകയായിരുന്നു.
