മുംബൈ: 2023 സെപ്തംബർ മുതൽ ഏകദേശം 25,000 തെരുവ് നായ്ക്കൾക്ക് ബ്രിഹൻമുംബൈ മുനിസിപ്പൽ കോർപ്പറേഷൻ (ബിഎംസി) വാക്സിനേഷൻ നൽകിയതായി റിപ്പോർട്ട്‌. ഉദ്യോഗസ്ഥർ പറയുന്നതനുസരിച്ച്, 2024 മാർച്ച് അവസാനത്തോടെ ഏകദേശം 70 ശതമാനം തെരുവ് നായ്ക്കൾക്കും വാക്സിനേഷൻ നൽകും.
മുംബൈ റാബീസ് എലിമിനേഷൻ പ്രോജക്ടിന്‍റെ ആഭിമുഖ്യത്തിൽ, പൊതുജനാരോഗ്യം സംരക്ഷിക്കുന്നതിനും മൃഗങ്ങളുടെ ക്ഷേമം പ്രോത്സാഹിപ്പിക്കുന്നതിനുമുള്ള ശ്രമത്തിൽ, ബ്രിഹൻമുംബൈ മുനിസിപ്പൽ കോർപ്പറേഷന്‍റെ (ബിഎംസി) വെറ്ററിനറി ഹെൽത്ത് ഡിപ്പാർട്ട്‌മെന്‍റ് തെരുവ് നായ്ക്കളെ ലക്ഷ്യമിട്ട് സമഗ്രമായ പേവിഷബാധ പ്രതിരോധ കുത്തിവയ്പ്പ് കാമ്പയിൻ ആരംഭിച്ചു ജാനിസ് സ്മിത്ത് അനിമൽ വെൽഫെയർ ട്രസ്റ്റ്, മൃഗങ്ങളെ പ്രതിരോധിക്കുന്ന യുവജന സംഘടന, യൂണിവേഴ്സൽ അനിമൽ വെൽഫെയർ സൊസൈറ്റി, ഉത്കർഷ് ഗ്ലോബൽ ഫൗണ്ടേഷൻ, എന്നീ മൃഗസംരക്ഷണ സംഘടനകളുടെ സഹായത്താലാണ് ഇത്‌ നടപ്പിലാക്കി വരുന്നത്.
മുനിസിപ്പൽ കമ്മീഷണറും അഡ്മിനിസ്ട്രേറ്ററുമായ ഡോ. ഇഖ്ബാൽ സിംഗ് ചാഹലും അഡീഷണൽ മുനിസിപ്പൽ കമ്മീഷണറും (സിറ്റി) ഡോ. അശ്വിനി ജോഷിയും ബിഎംസി നടത്തുന്ന വിവിധ മൃഗസംരക്ഷണ പ്രവർത്തനങ്ങൾക്ക് മേൽനോട്ടം വഹിക്കുന്നു. മനുഷ്യർക്കും മൃഗങ്ങൾക്കും കാര്യമായ അപകടസാധ്യതകൾ സൃഷ്ടിക്കുന്ന മാരകമായ വൈറൽ രോഗമായ റാബിസിന്‍റെ വ്യാപനം ലഘൂകരിക്കാനാണ് ഈ സംരംഭം ലക്ഷ്യമിടുന്നതെന്ന് വെറ്ററിനറി ഡിപ്പാർട്ട്‌മെന്‍റിന്‍റെയും ഡിയോനാർ ജനറൽ മാനേജരായ ഡോ. കലിംപാഷ പത്താൻ പറഞ്ഞു.
