കവിതാ പുരസ്കാരത്തിന് രചനകള് ക്ഷണിക്കുന്നു
നവി മുംബൈ: സാഹിത്യ സൗഹൃദസംഘം സംഘടിപ്പിക്കുന്ന മൂന്നാമത് ഇഐഎസ് തിലകന് സ്മാരക കവിതാ പുരസ്കാരത്തിന് രചനകള് ക്ഷണിച്ചു. കേരളത്തിന് പുറത്ത് ഇന്ത്യയിലെ വിവിധ സംസ്ഥാനങ്ങളില് താമസിക്കുന്ന മലയാളി എഴുത്തുകാര്ക്ക് മത്സരത്തില് പങ്കെടുക്കാം.
30 വരികളില് കവിയാത്തതും നാല് മിനിറ്റിനകം അവതരിപ്പിക്കാന് കഴിയുന്നതുമായ കവിതകളാണ് മത്സരത്തിന് അയക്കേണ്ടത്. സോഷ്യല് മീഡിയ ഉള്പ്പെടെയുള്ള ഏതെങ്കിലും മാധ്യമങ്ങളില് മുമ്പ് പ്രസിദ്ധീകരിച്ചിട്ടില്ലാത്ത, മത്സരാര്ഥിയുടെ സ്വന്തം രചനയായിരിക്കണം. ഒരാള്ക്ക് ഒരു കവിത മാത്രമേ അയക്കാനാകൂ.
മത്സരത്തിനായി സമര്പ്പിക്കുന്ന കവിതയില് കവിയുടെ പേര് രേഖപ്പെടുത്താന് പാടില്ല. കവിത, രചയിതാവിന്റെ ബയോഡാറ്റ, ഫോട്ടോ എന്നിവ പ്രത്യേകം രണ്ട് പേജുകളിലായി തയ്യാറാക്കി സമര്പ്പിക്കണം. ടൈപ്പ് ചെയ്ത കവിതയും അനുബന്ധ വിവരങ്ങളും സെപ്റ്റംബര് 23ന് മുന്പായി ലഭിക്കണം.
കൂടുതല് വിവരങ്ങള്ക്ക്:
ലിനോദ് വര്ഗീസ് 96190 93279
സജിനി രാഗസുധ 99238 85426
തുളസി മണിയാര് 9930878253
മുരളീധരന് വലിയവീട്ടില് 9823884778
