ചെമ്പൂര് ശ്രീനാരായണ ഗുരു കോളേജ് ഓഫ് കോമേഴ്സിന് സ്വയംഭരണാധികാരം
മുംബൈ: ശ്രീനാരായണ മന്ദിര സമിതി മാനേജ്മെന്റിന്റെ കീഴില് പ്രവര്ത്തിക്കുന്ന ചെമ്പൂര് ശ്രീനാരായണ ഗുരു കോളേജ് ഓഫ് കോമേഴ്സിന് സ്വയംഭരണാധികാരം ലഭിച്ചതിന്റെ ഔദ്യോഗിക ഉദ്ഘാടനം നടന്നു. മിതി പ്രസിഡന്റ് എം. ഐ. ദാമോദരന്റെ അധ്യക്ഷതയില് നടന്ന സമ്മേളനത്തില് മുന് യുജിസി വൈസ് ചെയര്മാനും നാഷണല് അസസ്മെന്റ് ആന്റ് അക്രഡിറ്റേഷന് കൗണ്സില് മുന് ചെയര്മാനുമായ പ്രൊഫ. ഡോ. വി. എന്. രാജശേഖരന് പിള്ള മുഖ്യാതിഥിയായിരുന്നു.
അറ്റ്ലസ് സ്കില് ടെക് യൂണിവേഴ്സിറ്റി വൈസ് ചാന്സലറും മുംബൈ യൂണിവേഴ്സിറ്റി മുന് വൈസ് ചാന്സലറുമായ ഡോ. രാജന് വേലൂക്കര് വിശിഷ്ടാതിഥിയായി.
കോളെജ് പ്രിന്സിപ്പാള് ഡോ. ജയശ്രീ വെങ്കിടാചലം, ഡയറക്ടര് ആന്സി ജോസ്, ഡോ. ഹിന്ദുജ ശ്രീചന്ദ്, ഡോ. രശ്മി, സമിതി മുന് പ്രസിഡന്റ് എന്. ശശിധരന്, ചെയര്മാന് എന്. മോഹന്ദാസ് എന്നിവര് പ്രസംഗിച്ചു.
