മുംബൈ: ഭരണഘടന മാറ്റാനോ പൗരന്മാർക്ക് നൽകുന്ന അവകാശങ്ങൾ വെട്ടിക്കുറയ്ക്കാനോ ആർക്കും കഴിയില്ലെന്ന് മഹാരാഷ്ട്ര ഉപമുഖ്യമന്ത്രിയും ഭാരതീയ ജനതാ പാർട്ടി (ബിജെപി) നേതാവുമായ ദേവേന്ദ്ര ഫഡ്‌നാവിസ് പറഞ്ഞു. ഭരണഘടന അനുശാസിക്കുന്ന അവകാശങ്ങൾ കൊണ്ടാണ് പ്രധാനമന്ത്രി നരേന്ദ്രമോദി ഉന്നത പദവിയിൽ എത്തിയതെന്നും അദ്ദേഹം ചൂണ്ടിക്കാട്ടി.
"ചന്ദ്രനും സൂര്യനും നക്ഷത്രങ്ങളും ഉള്ളിടത്തോളം ആർക്കും ഭരണഘടന മാറ്റാൻ കഴിയില്ല, ”അദ്ദേഹം ഊന്നിപ്പറഞ്ഞു. കിഴക്കൻ മഹാരാഷ്ട്രയിലെ അകോല ലോക്‌സഭാ സീറ്റിലേക്ക് ബിജെപി സ്ഥാനാർത്ഥി അനുപ് ധോത്രേ നാമനിർദ്ദേശ പത്രിക സമർപ്പിക്കുന്നതിന് മുമ്പ് നടത്തിയ ഒരു റാലിയെ അഭിസംബോധന ചെയ്തുകൊണ്ട് സംസാരിക്കുക യായിരുന്നു അദ്ദേഹം.
ഭരണഘടന മാറ്റാൻ ശ്രമിക്കുന്നതായി എതിരാളികൾ നമ്മളെ പലപ്പോഴും കുറ്റപ്പെടുത്തുന്നു, എന്നാൽ ഈ വിവരണത്തിന് ഒരു അടിസ്ഥാനവുമില്ലെന്നും ദേവേന്ദ്ര ഫഡ്നാഫിസ് പറഞ്ഞു.
