മുംബൈ : സനാതന ധർമ്മ സംരക്ഷണത്തിനും പ്രചാരണത്തിനും വേണ്ടി പ്രവർത്തിക്കുന്നവർക്ക് വസായ് സനാതന ധർമ്മസഭ നല്കി വരുന്ന ധർമ്മരക്ഷാ പുരസ്കാരത്തിന് ഈ വർഷം അർഹമായവരെ പ്രഖ്യാപിച്ചു.
വേണുഗോപാൽ കെ.ജി ( ജനറൽ സെക്രട്ടറി, കെ.ഭാസ്കര റാവു സ്മാരക സമിതി ), കെ. രാമൻ പിള്ള ( മുൻ അധ്യക്ഷൻ, ബി. ജെ പി കേരളം ), സ്വാമി കൃഷ്ണാനന്ദ സരസ്വതി മ്രഠാധിപതി, ശ്രീരാമദാസ ആശ്രമം മുംബൈ), സ്വാമി വിശ്വേശ്വരാനന്ദ സരസ്വതി ( മഠാധിപതി, ഗണേശ്പുരി ബ്രഹ്മപുരി നിത്യാനന്ദ ആശ്രമം) , ഡോ.കെ. രാമചന്ദ്ര അഡിഗ ( മുഖ്യകാര്യദർശി, കൊല്ലൂർ ശ്രീമൂകാംബിക ക്ഷേത്രം), മള്ളിയൂർ പരമേശ്വരൻ നമ്പൂതിരി ( മുഖ്യകാര്യദർശി , മള്ളിയൂർ ശ്രീ മഹാഗണപതി ക്ഷേത്രം), മഹാമണ്ഡലേശ്വർ നാരായണാനന്ദഗിരി മഹാരാജ് ( ചെയർമാൻ സനാതന ധർമ്മ ഫൗണ്ടേഷൻ, ന്യൂ ഡെൽഹി ) , ഞെരളത്ത് ഹരിഗോവിന്ദൻ (സോപാന സംഗീതജ്ഞൻ), പള്ളിക്കൽ സുനിൽ ( ഭാഗവത സപ്താഹ ആചാര്യൻ ), അസ്തിക സമാജം, മുംബൈ, ഡോ.ടി.എസ്. വിനീത് ഭട്ട് ( തന്ത്രി ), സ്മിത ജയമോഹൻ (ചെയർപേഴ്സൺ, ശ്രീ ആഞ്‌ജനേയ സേവാ ട്രസ്റ്റ്, തലശ്ശേരി ) ,കെ.ജി.കെ കുറുപ്പ് ( മുൻ അധ്യക്ഷൻ, കേന്ദ്രീയ നായർ സാംസ്കാരിക സംഘ്, മഹാരാഷ്ട്ര ), പാർത്ഥൻ കെ. പിള്ള ( ജനറൽ സെക്രട്ടറി, നാസിക് എൻ എസ് എസ് ) രഞ്‌ജിത് ആർ നായർ ( കോ-ഓർഡിനേറ്റർ, ശ്രീഅയ്യപ്പ സേവാ സമിതി, തെലങ്കാന ) എന്നിവരാണ് ധർമ്മരക്ഷാ പുരസ്കാരത്തിന് അർഹരായവർ.
ജനുവരി 6, 7, 8 തീയതികളിൽ വസായ് ശബരിഗിരി ശ്രീഅയ്യപ്പ ക്ഷേത്രത്തിലെ പ്രാർത്ഥനാ മണ്ഡപത്തിൽ നടക്കുന്ന മൂന്നാമത് വസായ് ഹിന്ദു മഹാസമ്മേളനത്തിൽ വച്ച് പുരസ്കാരങ്ങൾ സമ്മാനിക്കുമെന്ന് വസായ് സനാതന ധർമ്മസഭ അധ്യക്ഷൻ കെ.ബി ഉത്തംകുമാർ അറിയിച്ചു.
