നിറഞ്ഞ സദസ്സില് സ്ട്രിങ് ബീറ്റ്സ്
നവിമുംബൈ: കേരള സമാജം ഉള്വെ നോഡ് സംഘടിപ്പിച്ച സംഗീത-ഹാസ്യ വിരുന്ന് സ്ട്രിങ് ബീറ്റ്സ് ശ്രദ്ധ പിടിച്ച് പറ്റി.
പ്രശസ്ത വയലിനിസ്റ്റും പിന്നണി ഗായികയുമായ രൂപ രേവതിയും ജനപ്രിയ ഗായകന് സലീല് സലിമും ചേര്ന്ന് അവതരിപ്പിച്ച ഫ്യൂഷന് സംഗീത പരിപാടി പ്രേക്ഷകരെ സംഗീതത്തിന്റെ പുതിയ ലോകത്തേക്ക് കൈപിടിച്ചു നടത്തി.
ജിയോ ജേക്കബ്, ജോബി പയസ്, കൃഷ്ണപ്രസാദ്, സുമേഷ് ആനന്ദ്, യാസിര് അഷറഫ്, നിജിത് എന്നിവരടങ്ങിയ വാദ്യകലാകാരന്മാരുടെ സംഘവും സംഗീതവിരുന്നിന് മികവേകി. കാണികളെ ചിരിപ്പിച്ച് മഹേഷ് കുഞ്ഞുമോന്റെ മിമിക്രിയും നിറഞ്ഞ കയ്യടി നേടി.
