മുംബൈ: രാഗലയ അവതരിപ്പിക്കുന്ന പി. ഭാസ്കരൻ ഗാനസന്ധ്യ ശനിയാഴ്ച്ച വൈകിട്ട് ആറു മണിക്ക് അന്ധേരി ഈസ്റ്റ് ഭവാനി നഗറിലുള്ള മാറോൾ എജ്യുക്കേഷൻ അക്കാഡമി ഹാളിൽ അരങ്ങേറും. മുംബൈ മലയാളികളിലെ കഴിവുള്ള കലാകാരന്മാരെയും കലാകാരികളെയും പ്രോത്സാഹിപ്പിക്കുന്നതിന്റെ ഭാഗമായാണ് രാഗലയ ഈ പരിപാടി സംഘടിപ്പിക്കുന്നത്.
ഗാന സന്ധ്യയിൽ നിരവധി പ്രതിഭകൾ പ്രശസ്ത കവിയും ഗാന രചയിതാവുമായിരുന്ന പി. ഭാസ്കരൻ രചിച്ച ഗാനങ്ങൾ ആലപിക്കും. പ്രവേശനം സൗജന്യം. കൂടുതൽ വിവരങ്ങൾക്ക് 7045790857 എന്ന നമ്പറിൽ ബന്ധപ്പെടാം.