മാര് തോമസ് ഇലവനാല്
മുംബൈ: സീറോമലബാര് സഭയുടെ 2026 ലെ പൗരസ്ത്യ രത്നം പുരസ്കാരത്തിന് കല്യാണ് അതിരൂപതയുടെ രണ്ടാമത്തെ ബിഷപ്പും മുന് അധ്യക്ഷനുമായ മാര് തോമസ് ഇലവനാല് അര്ഹനായി.
സീറോ മലബാര് സഭയുടെ പൗരസ്ത്യ പാരമ്പര്യവും ആരാധനക്രമവും സംരക്ഷിക്കുന്നതിനും പുനരുജീവിപ്പിക്കുന്നതിനും അദ്ദേഹം നല്കിയ സേവനങ്ങള്ക്കാണ് പുരസ്കാരം.
സീറോമലബാര് സഭയുടെ സിനഡല് ലിറ്റര്ജി കമ്മിഷന് ചെയര്മാനായി ദീര്ഘകാലം സേവനമനുഷ്ഠിച്ച മാര് തോമസ് ഇലവനാല്, പൗരസ്ത്യ ആരാധനക്രമത്തിന്റെ പഠനം, പ്രചാരം, ലിറ്റര്ജിക്കല് ഗ്രന്ഥങ്ങളുടെ പ്രസാധനം, ആരാധനക്രമ നവീകരണം എന്നീ മേഖലകളില് ശ്രദ്ധേയമായ സംഭാവനകള് നല്കി.
