മുംബൈ: മുതിർന്ന ഇന്ത്യൻ പൊലീസ് സർവീസ് (ഐപിഎസ്) ഉദ്യോഗസ്ഥനായ നവാൽ ബജാജിനെ മഹാരാഷ്ട്രയിലെ തീവ്രവാദ വിരുദ്ധ സേനയുടെ (എടിഎസ്) അഡീഷണൽ ഡയറക്ടർ ജനറലായി ബുധനാഴ്ച നിയമിച്ചതായി സർക്കാർ അറിയിച്ചു. ഈ വർഷം മാർച്ചിൽ ഐപിഎസ് ഉദ്യോഗസ്ഥൻ സദാനന്ദ് കേന്ദ്ര ഡെപ്യൂട്ടേഷനിൽ ദേശീയ അന്വേഷണ ഏജൻസിയിലേക്ക് സ്ഥലം മാറിയതിന് ശേഷം എടിഎസ് മേധാവി സ്ഥാനം ഒഴിഞ്ഞുകിടക്കുകയായിരുന്നു.
എടിഎസിൽ ബജാജിന്റെ നിയമന ഉത്തരവ് സംസ്ഥാന ആഭ്യന്തര വകുപ്പ് പുറപ്പെടുവിച്ചിരുന്നു. മഹാരാഷ്ട്ര കേഡറിലെ 1995 ബാച്ച് ഐപിഎസ് ഉദ്യോഗസ്ഥനായ ബജാജ് സെൻട്രൽ ബ്യൂറോ ഓഫ് ഇൻവെസ്റ്റിഗേഷന്റെ (സിബിഐ) ജോയിന്റ് ഡയറക്ടറായി കേന്ദ്ര ഡെപ്യൂട്ടേഷനിലായിരുന്നു.
ബജാജ് നേരത്തെ മഹാരാഷ്ട്ര പോലീസ് സേനയിൽ മുംബൈ പോലീസ് ഉൾപ്പെടെ വിവിധ തസ്തികകളിൽ സേവനമനുഷ്ഠിച്ചിട്ടുണ്ട്. ജോയിന്റ് കമ്മീഷണർ ഓഫ് പോലീസ് (അഡ്മിൻ), അഡീഷണൽ കമ്മീഷണർ ഓഫ് പോലീസ് (സ്പെഷ്യൽ ബ്രാഞ്ച്), അഡീഷണൽ കമ്മീഷണർ (പ്രൊട്ടക്ഷൻ & സെക്യൂരിറ്റി), അഡീഷണൽ കമ്മീഷണർ (സൗത്ത് റീജിയൺ), ഡെപ്യൂട്ടി പോലീസ് കമ്മീഷണർ (സോൺ 1) എന്നീ നിലകളിൽ മുംബൈ പൊലീസ് സേനയിൽ സേവനമനുഷ്ഠിച്ചിട്ടുണ്ട്.
