മുംബൈ:മുംബൈയിൽ കഴിഞ്ഞ കുറച്ച് ദിവസങ്ങളായി കനത്ത ചൂടാണ് അനുഭവപ്പെടുന്നത്. പക്ഷേ മുംബൈക്കാർക്ക് ആശ്വാസകരമായ വാർത്തയാണ് കാലാവസ്ഥ വിഭാഗം ഇന്നലെ പുറപ്പെടുവിച്ചത്.
ഈ ദിവസങ്ങളിലൊക്കെയും കൂടിയ താപനില 36 ഡിഗ്രി ആയിരുന്നു രേഖപ്പെടുത്തിയത്. ഇന്ത്യ മെട്രോളജിക്കൽ ഡിപ്പാർട്ട്‌മെന്റ് (ഐഎംഡി)യുടെ പ്രവചനം അനുസരിച്ച് അടുത്ത രണ്ടു ദിവസത്തിൽ താപനില 3-4 വരെ കുറയാൻ സാധ്യതയുള്ളതിനാൽ വരും ദിവസങ്ങളിൽ നഗരത്തിൽ ചൂട്‌ കുറഞ്ഞേക്കാം.കഴിഞ്ഞ രണ്ടാഴ്ച കാലമായി നഗരത്തിലെ ശരാശരി കൂടിയ താപനില സാധാരണ താപനിലയേക്കാൾ 5-6 ഡിഗ്രി സെൽഷ്യസ് കൂടുതൽ ആയിരുന്നു.
"ശൈത്യകാലത്ത് നിന്ന് വേനൽക്കാലത്തേക്ക് നീങ്ങുമ്പോൾ, മിക്കവാറും മാർച്ച് ആദ്യവാരത്തോടെ താപനിലയിൽ ക്രമാനുഗതമായ വർദ്ധനവ് നങ്ങൾ പ്രതീക്ഷിക്കുന്നു, എന്നാൽ ഇത്തവണ നങ്ങൾ അത് വളരെ നേരത്തെ തന്നെ അനുഭവിച്ചു എന്നതാണ്." ഐ എം ഡി പത്രക്കുറിപ്പിൽ അറിയിച്ചു
