ടെസ്‌ലയുടെ വെയര്‍ ഹൗസ് മുംബൈയില്‍ വരുന്നു
മുംബൈ: ഇലോണ്‍ മസ്‌കിന്‍റെ വാഹന നിര്‍മാണ കമ്പനിയായ ടെസ്ല, വെയര്‍ ഹൗസിനായി മുംബൈയില്‍ 24,565 ചതുരശ്രയടി സ്ഥലം പാട്ടത്തിനെടുത്തു.
കോര്‍പറേറ്റ് സ്ഥാപനങ്ങളുടെ കേന്ദ്രമായ ബാന്ദ്രകുര്‍ള കോംപ്ലക്‌സില്‍ ഷോറൂം തുറക്കാനുള്ള നടപടികളും പുരോഗമിക്കുന്നതനിടെയാണ് നടപടി.
നിര്‍ദിഷ്ട ഷോറൂമിന്‍റെ 5 കിലോമീറ്റര്‍ പരിധിയില്‍ കുര്‍ള വെസ്റ്റിലെ ലോഥ ലോജിസ്റ്റിക്‌സ് പാര്‍ക്കിലാണു വെയര്‍ ഹൗസ് നിര്‍മിക്കുന്നത്. 37.53 ലക്ഷം രൂപയാണ് പ്രതിമാസ വാടക. 5 വര്‍ഷത്തേക്കാണ് കരാറേറ്റെടുത്തിരിക്കുന്നത്.
ബികെസിക്കു സമീപം ഫീനിക്‌സ് മാര്‍ക്കറ്റ് സിറ്റിയില്‍ 3 ലക്ഷം രൂപ പ്രതിമാസ വാടകയ്ക്ക് ടെസ്ല ഓഫിസ് മുറിയും പാട്ടത്തിനെടുത്തിട്ടുണ്ട്.
