നവിമുംബൈ: ഉറാൻ പാതയിൽ ലോക്കൽ ട്രെയിനുകളുടെ ട്രയൽ റൺ ആരംഭിച്ചു. ഇതിന്റെ ഭാഗമായി ഖാർകോപ്പറിന്റെയും ഉറാനും ഇടയിലുള്ള ഭാഗം റെയിൽവേ സുരക്ഷാ കമ്മീഷണർ ഇന്ന് പരിശോധിക്കുമെന്ന് റിപ്പോർട്ടുകൾ സൂചിപ്പിക്കുന്നു.
"കഴിഞ്ഞ കുറച്ച് ദിവസങ്ങളായി ഖാർകോപ്പർ മുതൽ ഉറാൻ വരെ ട്രയൽ റണ്ണുകൾ നടക്കുന്നുണ്ട്‌. റെയിൽവേ സുരക്ഷാ കമ്മീഷണറുടെ അനുമതി ലഭിച്ചതിന് ശേഷം മാത്രമേ ഈ ഭാഗം പാസഞ്ചർ ട്രെയിനുകൾക്കായി തുറക്കൂ."ഈ വാർത്ത സ്ഥിരീകരിച്ച് സെൻട്രൽ റെയിൽവേയിലെ ഒരു മുതിർന്ന ഉദ്യോഗസ്ഥൻ പറഞ്ഞു.
റെയിൽവേ സുരക്ഷാ കമ്മീഷണറുടെ പരിശോധനയ്ക്കുള്ള ഒരുക്കങ്ങൾ ഏറെക്കുറെ പൂർത്തിയായതായി വൃത്തങ്ങൾ അറിയിച്ചു, പാസഞ്ചർ ട്രെയിനുകൾ ഓടിക്കാനുള്ള വിഭാഗത്തിന് റെയിൽവേ സുരക്ഷാ കമ്മീഷണർ അംഗീകാരം നൽകിക്കഴിഞ്ഞാൽ, ഈ മാസം അവസാനത്തോടെ ഉറാൻ വരെയുള്ള പാസഞ്ചർ ട്രെയിനുകളുടെ പ്രവർത്തനം ആരംഭിക്കാൻ സാധ്യതയുണ്ട്. നിലവിൽ, നെരുൾ/ ബേലാപൂരിനും ഖാർകോപ്പറിനും ഇടയിൽ മാത്രമാണ് ലോക്കൽ സർവീസുകൾ ഉളളത്.
