പാരീസിൽ നിന്ന് മുംബൈയിലേക്ക് നേരിട്ടുള്ള ഫ്ലൈറ്റ് പ്രഖ്യാപിച്ച് വിസ്താര

മുംബൈ: പാരീസിൽ നിന്ന് മുംബൈയിലേക്ക് നേരിട്ടുള്ള ഫ്ലൈറ്റ് പ്രഖ്യാപിച്ച് വിസ്താര. മാർച്ച് 28 മുതൽ ഫ്ലൈറ്റ് സർവീസ് ആരംഭിക്കും. ബോയിങ് 787-9 വിമാനമാണ് സർവീസ് നടത്തുക. ആഴ്ചയിൽ അഞ്ച് തവണ സർവീസ് ഉണ്ടായിരിക്കുമെന്നും വിസ്താര വ്യക്തമാക്കി. നിലവിൽ ഡൽഹിയിൽ നിന്ന് പാരീസിലേക്ക് നേരിട്ട് വിസ്താര ആഴ്ചയിൽ അഞ്ചു തവണ സർവീസ് നടത്തുന്നുണ്ട്.

അതിനു പുറമേ മുംബൈയിൽ നിന്ന് ലണ്ടനിലേക്കും ഫ്രാങ്ക്ഫർട്ടിലേക്കും വിമാന സർവീസുകൾ ഉണ്ട്.