ശ്രീനഗര്: ജമ്മുകശ്മീരില് വാഹനാപകടത്തില് 10 പേര് മരിച്ചു. നിയന്ത്രണം വിട്ട് ദേശീയപാതയില് നിന്ന് തെന്നിമാറി 300 അടി താഴ്ചയിലേക്ക് വാഹനം മറിയുകയായിരുന്നു.
ജമ്മു- ശ്രീനഗര് ദേശീയ പാതയിൽ വെള്ളിയാഴ്ച പുലര്ച്ചെ റമ്പാന് ജില്ലയിലെ ചെഷ്മ മേഖലയിലാണ് അപകടം നടന്നത്. ശ്രീനഗറില് നിന്ന് ജമ്മുവിലേക്ക് പോകുകയായിരുന്ന എസ് യുവി മലയിടുക്കിലേക്ക് വീഴുകയായിരുന്നു എന്നാണ് വിവരം.
വാഹനത്തില് ഉണ്ടായിരുന്ന 10 പേര് മരിച്ചതായി പൊലീസ് അറിയിച്ചു. കൂടുതല് പേര് അപകടത്തില്പ്പെട്ടോ എന്ന അറിയാന് പൊലീസ്, ദുരന്ത നിവാരണ സേന, ജമ്മു കശ്മീര് റോഡ് സുരക്ഷാ സംഘം എന്നിവര് രക്ഷാപ്രവര്ത്തനം നടത്തിവരികയാണ്. കനത്തമഴയാകാം വാഹനം തെന്നിമാറാന് കാരണമെന്നാണ് പ്രാഥമിക നിഗമനം. കേന്ദ്രമന്ത്രി ഡോ. ജിതേന്ദ്ര സിങ് സ്ഥിതിഗതികള് വിലയിരുത്തി.