ന്യൂഡല്ഹി: പതിനഞ്ചു മുന് എംഎല്എമാരും ഒരു മുന് എംപിയുമടക്കം തമിഴ്നാട്ടിലെ നിരവധി നേതാക്കള് ബിജെപിയില് ചേര്ന്നു. അടുത്തിടെ എൻഡിഎ ബന്ധം വേർപെടുത്തിയ അണ്ണാ ഡിഎംകെയുടെ നേതാക്കളാണ് ഇവരിൽ ഭൂരിപക്ഷവും. പാര്ട്ടി സംസ്ഥാന അധ്യക്ഷന് കെ.അണ്ണാമലൈ, കേന്ദ്ര മന്ത്രിമാരായ രാജീവ് ചന്ദ്രശേഖര്, എല്.മുരുഗന് തുടങ്ങിയവര് ചേര്ന്ന് ഡല്ഹിയിലെ ബിജെപി. ആസ്ഥാനത്ത് നേതാക്കളെ സ്വീകരിച്ചു.
തുടര്ച്ചയായി മൂന്നാം തവണയും അധികാരത്തില് വരാന്പോകുന്ന പ്രധാനമന്ത്രി നരേന്ദ്ര മോദിയുടെ കരങ്ങള് ശക്തിപ്പെടുത്താനാണ് ഇവര് പാര്ട്ടിയിലേക്ക് കടന്നുവന്നിരിക്കുന്നതെന്നും അനുഭവ സമ്പത്തുള്ളവരാണ് ഇവരെന്നും തമിഴ്നാട് അണ്ണാമലൈ പറഞ്ഞു. ഇത്രയും നേതാക്കള് കൂട്ടത്തോടെവന്നത് തമിഴ്നാട്ടില് പ്രധാനമന്ത്രിയുടെ ജനകീയതയ്ക്ക് തെളിവാണെന്ന് രാജീവ് ചന്ദ്രശേഖര് പറഞ്ഞു.