ഡൽഹിയിൽ കെട്ടിടം തകർന്നു വീണു; രക്ഷാപ്രവർത്തനം തുടരുന്നു|Video

ന്യൂഡൽഹി: ഡൽഹിയിൽ നാലു നിലക്കെട്ടിടം തകർന്നു വീണു. കെട്ടിടത്തിന്‍റെ അവശിഷ്ടങ്ങൾക്കിട‍യിൽ കുടുങ്ങിയവരെ രക്ഷിക്കുന്നതിനുള്ള ശ്രമങ്ങൾ തുടരുകയാണ്. ജണ്ട കോളനിയിലെ ഗലി നമ്പർ 5ലാണ് അപകടമുണ്ടായത്. തകർന്ന കെട്ടിടത്തിൽ നിന്ന് രക്ഷിച്ച 3 പേരെ പരുക്കുകളോടെ ആശുപത്രിയിൽ പ്രവേശിപ്പിച്ചു. കെട്ടിടത്തിൽ 10 കുടുംബങ്ങൾ താമസിച്ചിരുന്നതായി പ്രദേശവാസികൾ പറയുന്നു. ശനിയാഴ്ച രാവിലെ 7 മണിയോടെയാണ് അപകടമുണ്ടായത്.

വലിയ ശബ്ദത്തോടെ കെട്ടിടം തകർന്നു വീഴുകയായിരുന്നുവെന്നാണ് റിപ്പോർട്ട്. കാരണം വ്യക്തമല്ല. 7 ഫയർ യൂണിറ്റുകൾ പ്രദേശത്ത് രക്ഷാപ്രവർത്തനം നടത്തുകയാണ്.

പ്രഭാത നടത്തത്തിന്‍റെ സമയത്താണ് അപകടമുണ്ടായത്. അതു കൊണ്ടു തന്നെ എത്ര പേർ കെട്ടിടത്തിൽ ഉണ്ടായിരുന്നുവെന്ന് ഇനിയും വ്യക്തമല്ല.