ന്യൂ ഡൽഹി: ഡൽഹി അന്താരാഷ്ട്ര വിമാനത്താവളം വഴി 2.6 കോടി രൂപ വിലയുള്ള സ്വർണം കടത്താൻ ശ്രമിച്ച 5 പേർ അറസ്റ്റിൽ. രണ്ടു വ്യത്യസ്ത കേസുകളിലായാണ് അറസ്റ്റ് രേഖപ്പെടുത്തിയിരിക്കുന്നത്. ബാങ്കോക്കിൽ നിന്ന് രണ്ടു പേർ ചൊവ്വാഴ്ച്ചയും മൂന്നു പേർ ബുധനാഴ്ച്ചയുമാണ് ഡൽഹിയിലെത്തിയത്.
ഇവരിൽ നാലു പേരുടെ ബാഗുകൾ പരിശോധിച്ചപ്പോഴാണ് ഓരോരുത്തരുടെയും ബാഗുകളിൽ നിന്നായി ആകെ 2.9 കോടി വില വരുന്ന 4 കിലോ സ്വർണം കണ്ടെത്തിയത്. ബാങ്കോക്കിൽ നിന്നെത്തിയ മറ്റൊരു യാത്രക്കാരന്റെ ബാഗിൽ നിന്ന് ക്യാപ്സ്യൂളുകളിൽ പേസ്റ്റ് രൂപത്തിൽ കടത്താൻ ശ്രമിച്ച 56.43 ലക്ഷം രൂപ വില വരുന്ന 1.07 കിലോ സ്വർണവും പിടിച്ചെടുത്തു.