ന്യൂഡൽഹി: രാജ്യസഭയിലേക്ക് മത്സരിക്കുന്ന സ്ഥാനാർഥികളുടെ നാമനിർദേശ പത്രിക സമർപ്പിച്ച് ആം ആദ്മി പാർട്ടി. സ്വാതി മലൈവാൾ, എൻ.ഡി. ഗുപ്ത, സഞ്ജയ് സിങ് എന്നിവരുടെ പത്രികയാണ് സമർപ്പിച്ചത്. ജനുവരി 19നാണ് രാജ്യസഭാ തെരഞ്ഞെടുപ്പ്. സഞ്ജയ് സിങ്, സുശീൽ കുമാർ ഗുപ്ത, എൻ.ഡി. ഗുപ്ത എന്നിവരുടെ ആറു വർഷത്തെ കാലാവധി ജനുവരി 27 ന് അവസാനിക്കുന്ന സാഹചര്യത്തിലാണ് പുതിയ നാമനിർദേശങ്ങൾ നൽകിയിരിക്കുന്നത്. സുശീൽ ഗുപ്തയ്ക്കു പകരമാണ് ഡൽഹി വനിതാ കമ്മിഷൻ മുൻ അധ്യക്ഷ സ്വാതി മലൈവാളിനെ നിർദേശിച്ചിരിക്കുന്നത്.
ജനുവരി 9 വരെയാണ് നാമനിർദേശം നൽകാൻ കഴിയുക. ജനുവരി 10ന് പത്രികകൾ പരിശോധിക്കും. ജനുവരി 12 വരെ പത്രിക പിൻവലിക്കാൻ സമയം നൽ‌കിയിട്ടുണ്ട്.
