ദിസ്പൂർ: അസം കോൺഗ്രസ് മുൻ വർക്കിങ് പ്രസിഡന്‍റ് റാണാ ഗോസ്വാമി ബിജെപിയിൽ ചേർന്നു. ഗുവാഹത്തിയിലെ ബിജെപി ആസ്ഥാനത്ത് മുഖ്യമന്ത്രി ഹിമന്ത ബിശ്വശർമ പാർട്ടി അംഗത്വം നൽകി. റാണ ഗോസ്വാമി കോൺഗ്രസിൽ വർക്കിങ് പ്രസിഡന്‍റ് സ്ഥാനത്തു നിന്നും ഇന്നലെ രാജിവച്ചിരുന്നു.
നേരത്തെ വിവിധ രാഷട്രീയ വിഷയങ്ങൾ ഉന്നയിച്ച് സംഘടനാ ചുമതലകളിൽ നിന്നും റാണാ ഗോസ്വാമി രാജിവച്ചിരുന്നു. ഇതിന് പിന്നാലെയാണ് പ്രാഥമിക അംഗത്വവും റാണ ഗോസ്വാമി രാജിവച്ചത്.
