അയോധ്യ ഒരുങ്ങി; പ്രാണപ്രതിഷ്ഠ തിങ്കളാഴ്ച

അ​യോ​ധ്യ: രാ​മ​ജ​ന്മ​ഭൂ​മി​യി​ലെ രാ​മ​ക്ഷേ​ത്ര​ത്തി​ൽ പ്രാ​ണ​പ്ര​തി​ഷ്ഠ​യ്ക്ക് ഒ​രു​ക്ക​ങ്ങ​ൾ പൂ​ർ​ത്തി​യാ​യി. നാ​ളെ ഉ​ച്ച​യ്ക്ക് 12.20നും ​ഉ​ച്ച​യ്ക്ക് 2.20നും ​ഇ​ട​യി​ലാ​ണു പ്രാ​ണ​പ്ര​തി​ഷ്ഠ. ച​ട​ങ്ങു​ക​ൾ​ക്കാ​യി പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ന്ന് അ​യോ​ധ്യ​യി​ലെ​ത്തി​യേ​ക്കും. ആ​ർ​എ​സ്എ​സ് മേ​ധാ​വി മോ​ഹ​ൻ ഭാ​ഗ​വ​തും ഇ​ന്നു ന​ഗ​ര​ത്തി​ലെ​ത്തു​മെ​ന്നു ശ്രീ​രാ​മ ജ​ന്മ​ഭൂ​മി തീ​ർ​ഥ ക്ഷേ​ത്ര ട്ര​സ്റ്റ് വൃ​ത്ത​ങ്ങ​ൾ സൂ​ചി​പ്പി​ച്ചു.

കാ​ശി​യി​ലെ വേ​ദ​പ​ണ്ഡി​ത​ൻ ല​ക്ഷ്മി​കാ​ന്ത് മ​ഥു​ര​നാ​ഥ് ദീ​ക്ഷി​തി​ന്‍റെ നേ​തൃ​ത്വ​ത്തി​ൽ 121 ആ​ചാ​ര്യ​ന്മാ​രാ​ണ് പ്ര​തി​ഷ്ഠാ ച​ട​ങ്ങു​ക​ൾ​ക്കു കാ​ർ​മി​ക​ത്വം വ​ഹി​ക്കു​ന്ന​ത്. വേ​ദ​പ​ണ്ഡി​ത​ൻ ഗ​ണേ​ശ്വ​ർ ശാ​സ്ത്രി ദ്രാ​വി​ഡാ​ണ് ച​ട​ങ്ങു​ക​ളു​ടെ ഏ​കോ​പ​നം. 16ന് ​പ്രാ​യ​ശ്ചി​ത്ത പൂ​ജ​യോ​ടെ ആ​രം​ഭി​ച്ച ച​ട​ങ്ങു​ക​ൾ അ​വ​സാ​ന ഘ​ട്ട​ങ്ങ​ളി​ലേ​ക്കു ക​ട​ന്നു.

ഇ​ന്ന​ലെ പ്ര​തി​ഷ്ഠാ വി​ഗ്ര​ഹ​ത്തി​ന് ശ​ർ​ക്ക​രാ​ധി​വാ​സം, ഫ​ലാ​ധി​വാ​സം, പു​ഷ്പാ​ധി​വാ​സം തു​ട​ങ്ങി​യ ച​ട​ങ്ങു​ക​ൾ ന​ട​ത്തി. ഇ​ന്ന് മ​ധ്യാ​ധി​വാ​സം, ശ​യ്യാ​ധി​വാ​സം തു​ട​ങ്ങി​യ ച​ട​ങ്ങു​ക​ൾ ന​ട​ക്കും. രാ​ജ്യ​ത്തെ വി​വി​ധ സം​സ്ഥാ​ന​ങ്ങ​ളി​ൽ നി​ന്നു​ള്ള 14 ദ​മ്പ​തി​മാ​ർ ച​ട​ങ്ങു​ക​ളു​ടെ യ​ജ​മാ​ന സ്ഥാ​നം വ​ഹി​ക്കു​മെ​ന്നും ട്ര​സ്റ്റ് അ​റി​യി​ച്ചു.

സ​ര​യു ആ​ര​തി ഉ​ൾ​പ്പെ​ടെ ച​ട​ങ്ങു​ക​ളും ആ​ഘോ​ഷ​വും അ​യോ​ധ്യ​യി​ൽ തു​ട​രു​ന്നു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ന്ന​ലെ ത​മി​ഴ്നാ​ട്ടി​ലെ ശ്രീ​രം​ഗം രം​ഗ​നാ​ഥ​ർ സ്വാ​മി ക്ഷേ​ത്രം, രാ​മേ​ശ്വ​രം രാ​മ​നാ​ഥ​ർ സ്വാ​മി ക്ഷേ​ത്രം എ​ന്നി​വി​ട​ങ്ങ​ളി​ൽ ദ​ർ​ശ​നം ന​ട​ത്തി.