രാമവിഗ്രഹം തെരഞ്ഞെടുത്തെന്ന് പ്രഹ്ലാദ് ജോഷി, സ്ഥിരീകരിക്കാതെ ട്രസ്റ്റ്

ന്യൂ​ഡ​ൽ​ഹി: അ​യോ​ധ്യ​യി​ലെ രാ​മ​ക്ഷേ​ത്ര​ത്തി​ൽ പ്ര​തി​ഷ്ഠി​ക്കാ​നു​ള്ള വി​ഗ്ര​ഹം തെ​ര​ഞ്ഞെ​ടു​ത്തി​ട്ടി​ല്ലെ​ന്നു ശ്രീ​രാ​മ ജ​ന്മ​ഭൂ​മി തീ​ർ​ഥ​ക്ഷേ​ത്ര ട്ര​സ്റ്റ്. ക​ർ​ണാ​ട​ക​യി​ലെ പ്ര​മു​ഖ ശി​ൽ​പ്പി അ​രു​ൺ യോ​ഗി​രാ​ജ് കൃ​ഷ്ണ​ശി​ല​യി​ൽ തീ​ർ​ത്ത രാ​മ​വി​ഗ്ര​ഹ​മാ​ണു പ്ര​തി​ഷ്ഠി​ക്കു​ന്ന​തെ​ന്നു കേ​ന്ദ്ര മ​ന്ത്രി പ്ര​ഹ്ലാ​ദ് ജോ​ഷി സ​മൂ​ഹ​മാ​ധ്യ​മ​ത്തി​ൽ കു​റി​ച്ച​തി​നു പി​ന്നാ​ലെ​യാ​ണു ട്ര​സ്റ്റി​ന്‍റെ വി​ശ​ദീ​ക​ര​ണം.

ജോ​ഷി​യു​ടെ പ്ര​ഖ്യാ​പ​ന​ത്തി​നു പി​ന്നാ​ലെ ക​ർ​ണാ​ട​ക മു​ൻ മു​ഖ്യ​മ​ന്ത്രി ബി.​എ​സ്. യെ​ദി​യൂ​ര​പ്പ, ശി​ൽ​പ്പി അ​രു​ണി​നെ അ​ഭി​ന​ന്ദി​ച്ചി​രു​ന്നു. എ​ന്നാ​ൽ, ശ​ങ്ക​രാ​ചാ​ര്യ വി​ജ​യേ​ന്ദ്ര സ​ര​സ്വ​തി ഉ​ൾ​പ്പെ​ടെ സ​ന്ന്യാ​സി​മാ​രു​ടെ അ​ഭി​പ്രാ​യം കൂ​ടി പ​രി​ഗ​ണി​ച്ചു മാ​ത്ര​മേ അ​ന്തി​മ തീ​രു​മാ​ന​മെ​ടു​ക്കൂ എ​ന്ന് ട്ര​സ്റ്റി​ന്‍റെ ഓ​ഫി​സ് ചു​മ​ത​ല വ​ഹി​ക്കു​ന്ന പ്ര​കാ​ശ് ഗു​പ്ത പ​റ​ഞ്ഞു.

ക​ർ​ണാ​ട​ക​യി​ൽ നി​ന്നു​ള്ള അ​രു​ൺ യോ​ഗി​രാ​ജ്, ഗ​ണേ​ഷ് ഭ​ട്ട് എ​ന്നി​വ​ർ കൃ​ഷ്ണ​ശി​ല​യി​ൽ നി​ർ​മി​ച്ച വി​ഗ്ര​ഹ​ങ്ങ​ളും രാ​ജ​സ്ഥാ​നി​ൽ നി​ന്നു​ള്ള സ​ത്യ​നാ​രാ​യ​ൺ പാ​ണ്ഡെ വെ​ള്ള മാ​ർ​ബി​ൾ​ശി​ല​യി​ൽ നി​ർ​മി​ച്ച വി​ഗ്ര​ഹ​വു​മാ​യി​രു​ന്നു അ​വ​സാ​ന ഘ​ട്ട​ത്തി​ലേ​ക്കു പ​രി​ഗ​ണി​ച്ച​ത്. മൂ​ന്നു വി​ഗ്ര​ഹ​ങ്ങ​ളി​ൽ ഏ​താ​ണു വേ​ണ്ട​തെ​ന്ന് ഓ​ൺ​ലൈ​ൻ വോ​ട്ടെ​ടു​പ്പും ന​ട​ത്തി​യി​രു​ന്നു.

അ​തേ​സ​മ​യം, താ​ൻ നി​ർ​മി​ച്ച വി​ഗ്ര​ഹം തെ​ര​ഞ്ഞെ​ടു​ത്ത​താ​യി ഔ​ദ്യോ​ഗി​ക അ​റി​യി​പ്പു ല​ഭി​ച്ചി​ട്ടി​ല്ലെ​ന്ന് അ​രു​ൺ പ​റ​ഞ്ഞു. മാ​ധ്യ​മ​ങ്ങ​ളി​ലൂ​ടെ ബി​ജെ​പി നേ​താ​ക്ക​ള്‍ സം​സാ​രി​ക്കു​മ്പോ​ഴാ​ണ് ഈ ​കാ​ര്യം അ​റി​യു​ന്ന​തെ​ന്നും യോ​ഗി​രാ​ജ് പ​റ​ഞ്ഞു.

കൃ​ഷ്ണ​ശി​ല​യി​ൽ വി​ഗ്ര​ഹ​ങ്ങ​ൾ നി​ർ​മി​ക്കു​ന്ന​വ​രി​ൽ ഏ​റ്റ​വും പ്ര​മു​ഖ​നാ​ണ് അ​രു​ൺ യോ​ഗി​രാ​ജ്. ശി​ൽ​പ്പ​വൈ​ദ​ഗ്ധ്യം പൈ​ത​കൃ​മാ​യ കു​ടും​ബ​ത്തി​ൽ നി​ന്നെ​ത്തി​യ അ​രു​ൺ

എ​ച്ച്ഡി കോ​ട്ട​യി​ല്‍ നി​ന്നു​ള്ള കൃ​ഷ്ണ​ശി​ല ഉ​പ​യോ​ഗി​ച്ചാ​ണ് 51 ഇ​ഞ്ച് വി​ഗ്ര​ഹം നി​ര്‍മി​ച്ച​ത്. ബാ​ല​നാ​യ ശ്രീ​രാ​മ​നെ​യാ​ണു വേ​ണ്ട​തെ​ന്നു മാ​ത്ര​മാ​യി​രു​ന്നു ട്ര​സ്റ്റി​ന്‍റെ നി​ർ​ദേ​ശം. ഏ​ഴ് മാ​സ​ത്തോ​ളും ദി​വ​സ​വും 12 മ​ണി​ക്കൂ​റി​ലേ​റെ ചെ​ല​വ​ഴി​ച്ചാ​ണു വി​ഗ്ര​ഹം പൂ​ർ​ത്തി​യാ​ക്കി​യ​ത്.

കേ​ദാ​ര്‍നാ​ഥി​ല്‍ സ്ഥാ​പി​ച്ച ആ​ദി ശ​ങ്ക​രാ​ചാ​ര്യ​രു​ടെ പ്ര​തി​മ​യും ന്യൂ​ഡ​ല്‍ഹി​യി​ലെ ഇ​ന്ത്യാ ഗേ​റ്റി​ല്‍ സ്ഥാ​പി​ച്ച സു​ഭാ​ഷ് ച​ന്ദ്ര​ബോ​സി​ന്‍റെ പ്ര​തി​മ​യും നി​ര്‍മി​ച്ച​ത് എം​ബി​എ ബി​രു​ദ​ധാ​രി കൂ​ടി​യാ​യ അ​രു​ൺ യോ​ഗി​രാ​ജാ​ണ്. അ​ഭി​മാ​ന നി​മി​ഷ​മാ​ണി​തെ​ന്ന് യോ​ഗി​രാ​ജി​ന്‍റെ അ​മ്മ സ​ര​സ്വ​തി പ​റ​ഞ്ഞു. മ​ക​ന്‍ ശി​ല്‍പ്പം ഉ​ണ്ടാ​ക്കു​ന്ന​ത് കാ​ണാ​ന്‍ ആ​ഗ്ര​ഹ​മു​ണ്ടാ​യി​രു​ന്നു. എ​ന്നാ​ല്‍, അ​വ​സാ​ന ദി​നം കാ​ണി​ക്കാ​മെ​ന്നാ​യി​രു​ന്നു പ​റ​ഞ്ഞ​ത്. വി​ഗ്ര​ഹം സ്ഥാ​പി​ക്കു​ന്ന ദി​വ​സം താ​നും പോ​കു​മെ​ന്നും സ​ര​സ്വ​തി.

അ​രു​ൺ നി​ർ​മി​ക്കു​ന്ന​ത് പി​ഴ​വു​ക​ളി​ല്ലാ​ത്ത ശി​ൽ​പ്പ​ങ്ങ​ളാ​ണെ​ന്നു ഭാ​ര്യ വി​ജേ​ത പ​റ​ഞ്ഞു. രാ​മ​വി​ഗ്ര​ഹ നി​ർ​മാ​ണം ബു​ദ്ധി​മു​ട്ടേ​റി​യ​താ​ണെ​ന്ന് അ​ദ്ദേ​ഹം പ​റ​ഞ്ഞി​രു​ന്നു. എ​ന്നാ​ൽ, ഭം​ഗി​യാ​യി അ​തു പൂ​ർ​ത്തി​യാ​ക്കി. ശ്രീ​രാ​മ​ൻ ത​ന്നെ സ​ഹാ​യി​ച്ചെ​ന്നാ​ണ് അ​രു​ൺ പ​റ​ഞ്ഞ​തെ​ന്നും വി​ജേ​ത.