ന്യൂഡൽഹി: കനത്ത മൂടൽമഞ്ഞിനെത്തുടർന്ന് ഡൽഹി വിമാനത്താവളത്തിൽ ഇറങ്ങേണ്ടിയിരുന്ന 5 വിമാനങ്ങൾ വഴി തിരിച്ചു വിട്ടു. 30 വിമാനങ്ങൾ വൈകി സർവീസ് നടത്തുമെന്ന് അറിയിച്ചിട്ടുണ്ട്. ചൊവ്വാഴ്ച രാവിലെയോടെ കനത്ത മൂടൽമഞ്ഞ് പടർന്നാണ് വിമാനത്താവളത്തിന്റെ പ്രവർത്തനത്തെ ബാധിച്ചത്.
രാവിലെ 8 മുതലുള്ള വിമാനങ്ങളാണ് ജയ്പുരിലെ വഴി തിരിച്ചു വിട്ടിരിക്കുന്നത്. വിമാനങ്ങളുടെ യാത്രാ സമയത്തെക്കുറിച്ചുള്ള കൃത്യമായ വിവരത്തിന് വിമാനത്താവളവുമായി ബന്ധപ്പെടാനും വിമാനത്താവളത്തിന്റെ അധികൃതർ ആവശ്യപ്പെട്ടിട്ടുണ്ട്.