ആർക്കും വ്യക്തമായ ഭൂരിപക്ഷം പ്രവചിക്കാനാവാത്ത മേഘാലയയിൽ എൻപിപി ഏറ്റവും വലിയ ഒറ്റകക്ഷിയാവും. 26 ഇടങ്ങളിൽ എൻപിപി വ്യക്തമായ ലീഡ് ഉയർത്തുന്നുണ്ട്. എൻപിപിയുടെ മുൻ സഖ്യകക്ഷിയായ ബിജെപി 5 സീറ്റുകളിൽ ലീഡ് ഉയർത്തുന്നുണ്ട്. കോൺഗ്രസിന് 5, ത്രിണമൂൽ കോൺഗ്രസിന് 5 എന്നിങ്ങനെയാണ് മറ്റ് ലീഡ് നില.
നാഗാലാന്‍ഡിൽ ആദ്യ വനിത എംഎൽഎ; ബി.ജെ.പി മുന്നിൽ
39 സീറ്റുകളിലായി ബി.ജെ.പി സഖ്യം ലീഡ് ചെയ്യുന്നു. നാഗാലാന്‍ഡിൽ ആദ്യ വനിത എംഎൽഎ. ഹെകാനി ജഖാലും (NDPP) ദിമാപൂർ 3 മണ്ഡലത്തിൽ നിന്ന് വിജയിച്ചു. സൽഹൗതുവോനുവോ ക്രൂസ് വെസ്റ്റേൺ അംഗമി മണ്ഡലത്തിൽ ജയിച്ചു. ബിജെപി സ്ഥാനാർത്ഥി കാഹുലി സേമയ്ക്ക് അതോയസു മണ്ഡലത്തിൽ ലീഡ് ചെയ്തു.
മേഘാലയയിൽ എൻപിപിക്ക് മേൽക്കൈ; 5 സിറ്റുകളിലേക്കൊതുങ്ങി ബിജെപി
മേഘാലയയിൽ ലീഡ് തിരിച്ചു പിടിച്ച് എൻപിപി. ഒരു ഘട്ടത്തിൽ ലീഡ് നില 20 ൽ താഴേക്ക് പോയ എൻപിപി നിലവിൽ 26 ഇടങ്ങളിൽ ലീഡ് ചെയ്യുകയാണ്. ബിജെപിയുടെ ലീഡ് അഞ്ചായി കുറഞ്ഞു. നേരത്തെ 10 അധികം സീറ്റുകളിൽ ബിജെപി മുന്നിട്ടു നിന്നിരുന്നെങ്കിലും പിന്നീട് 5 എന്ന ലീഡിലേക്കെത്തുകയായിരുന്നു. മറ്റു പാർട്ടികളും ഇപ്പോൾ 23 എന്ന ലീഡാണ് നിലനിൽക്കുന്നത്.
കോൺഗ്രസ്, ബിജെപി, കോൺറാഡ് സാങ്മയുടെ എൻപിപി (നാഷനൽ പീപ്പിൾസ് പാർട്ടി), ബംഗാൾ മുഖ്യമന്ത്രി മമതാ ബാനർജിയുടെ തൃണമൂൽ കോൺഗ്രസ് എന്നിവരാണ് മത്സരരംഗത്തുള്ളത്.
നാഗാലാന്‍ഡിൽ ബിജെപി- എന്‍ഡിപിപി സഖ്യത്തിന് മുന്നേറ്റം
നാഗാലാന്‍ഡിൽ വോട്ടെണ്ണൽ പുരേഗമിക്കുമ്പോൾ ബിജെപി- എന്‍ഡിപിപി സഖ്യം ബഹുദൂരം മുന്നിൽ. നിലവിൽ ബിജെപിയും സഖ്യകഷികളും 41 സീറ്റുകളിൽ മുന്നേറുന്നു. എന്‍പിഫ് 3 ലീഡ് ചെയ്യുന്നു. കോൺഗ്രസ് 4 സീറ്റുകളിലും മുന്നിട്ട് നിൽക്കുന്നു. മറ്റു പാർട്ടികൾ 17 സീറ്റുകളുമായി ലീഡ് നിലനിർത്തുന്നു.
