ഝാർഖണ്ഡിലെ സ്റ്റീൽ പ്ലാന്റിൽ സ്ഫോടനം
Representative image
റാംഗഢ്: ഝാർഖണ്ഡിലെ റാംഗഢ് ജില്ലയിൽ സ്വകാര്യ സ്റ്റീൽ പ്ലാന്റിലെ ഫർണസ് ചേംബറിലുണ്ടായ സ്ഫോടനത്തിൽ ഒൻപത് തൊഴിലാളികൾക്ക് പരുക്കേറ്റു. ഞായറാഴ്ച ഉച്ചയ്ക്ക് മുർപ ഗ്രാമത്തിലെ പ്ലാന്റിലാണ് സംഭവം.
പരുക്കേറ്റവരിൽ രണ്ട് പേരുടെ നില ഗുരുതരമാണ്. ഇവരെ റാഞ്ചിയിലെ സ്വകാര്യ ആശുപത്രിയിലേക്ക് മാറ്റി. സ്ഫോടനത്തെ തുടർന്ന് ചൂടുള്ള ലോഹം തെറിച്ചാണ് തൊഴിലാളികൾക്ക് പൊള്ളലേറ്റത്. സംഭവത്തിൽ അന്വേഷണം നടത്തി എത്രയും വേഗം റിപ്പോർട്ട് നിർദ്ദേശം നൽകിയിട്ടുണ്ടെന്ന് ചീഫ് ഫാക്റ്ററി ഇൻസ്പെക്റ്റർ മനീഷ് സിൻഹ പറഞ്ഞു.
