ഡൽഹിയിൽ ബഹുനില കെട്ടിടത്തിൽ തീപിടിത്തം; 10 പേർ കുടുങ്ങി കിടക്കുന്നു
ന്യൂഡൽഹി: ഡൽഹിയിലെ പാലം മെട്രൊ സ്റ്റേഷന് സമീപത്തുള്ള ബഹുനില കെട്ടിടത്തിൽ തീപിടിത്തം. 10 പേർ കുടുങ്ങി കിടക്കുന്നതായാണ് ഡൽഹി പൊലീസും ഫയർഫോഴ്സ് ഉദ്യോഗസ്ഥരും പറയുന്നത്. കുറച്ച് പേർക്ക് പരുക്കേറ്റതായാണ് സൂചന. രക്ഷാപ്രവർത്തനം പുരോഗമിക്കുകയാണ്.
തീപിടിത്തം ഉണ്ടായതായി രാവിലെ 7 മണിയോടെ ഫോൺ കോൾ ലഭിച്ചെന്ന് ഫയർ കൺട്രോൾ റൂം ഉദ്യോഗസ്ഥൻ പറഞ്ഞു. സ്ഥിതിഗതികൾ നിരീക്ഷിച്ചുകൊണ്ടിരിക്കുകയാണെന്നും കുടുങ്ങി കിടക്കുന്നവരെ രക്ഷപ്പെടുത്തിയാൽ മാത്രമെ ആളപായത്തേക്കുറിച്ച് വ്യക്തത ലഭിക്കുകയുള്ളൂയെന്ന് ഡിസിപി ഗോയൽ പറഞ്ഞു.
