അധിക ഡ്യൂട്ടിക്ക് പൈലറ്റുമാരെ നിർബന്ധിച്ചു; എയർ ഇന്ത്യയ്ക്ക് ഡിജിസിഎയുടെ കാരണം കാണിക്കൽ നോട്ടീസ്

ന്യൂഡൽഹി: എയർ ഇന്ത്യയ്ക്ക് ഡിജിസിഎയുടെ കാരണം കാണിക്കൽ നോട്ടീസ്. ഡ്യൂട്ടി സമയം കഴിഞ്ഞിട്ടും വിമാനം പറത്താൻ പൈലറ്റുമാരെ നിർബന്ധിച്ചതിനാണ് നടപടി. എയർ ഇന്ത്യയിലെ 3 ഉദ്യോഗസ്ഥർക്കെതിരേ നടപടിക്കാണ് ഡിജിസിഎയുടെ ശുപാർശ.

ജീവനക്കാരുടെ വിന്യാസത്തിലും മേൽനോട്ടത്തിലും വീഴ്ച വരുത്തിയതിനാലാണ് നടപടി. എല്ലാ ഉത്തരവാദിത്തത്തിൽ നിന്നും ഉദ്യോഗസ്ഥരെ മാറ്റി നിർത്താനാണ് നിർദേശം. മേയ് 16,17 തീയതികളിൽ ബംഗളൂരു-ലണ്ടൻ വിമാന സർവീസുകളിലാണ് അധിക ഡ്യൂട്ടിക്ക് നിർദേശം നൽകിയിരുന്നത്.