ഉത്തരേന്ത്യയിൽ കനത്ത നാശം വിതച്ച് പെരുമഴ; ഡൽഹിയിൽ യെലോ അലർട്ട്

ന്യൂഡൽഹി: ഉത്തരേന്ത്യയിൽ കനത്ത മഴ തുടരുന്നു. ബിഹാറിനും ഉത്തർപ്രദേശിനും പുറമേ ഉത്തരാഖണ്ഡിലും നാശം വിതച്ച് കനത്ത മഴയാണ് ലഭിക്കുന്നത്. സംസ്ഥാനത്ത് മണ്ണിടിച്ചിലിനെത്തുടർന്ന് 136 റോഡുകൾ അടച്ചതായി സർക്കാർ അറിയിച്ചു.

ഇതിനു പുറമേ ഡൽഹിയിലും കനത്ത മഴ മുന്നറിയിപ്പുണ്ട്. കാലാവസ്ഥാ വകുപ്പ് ഞായറാഴ്ച ഡൽഹിയിൽ യെലോ അലർട്ട് പ്രഖ്യാപിച്ചിട്ടുണ്ട്. ഉത്തരേന്ത്യൻ സംസ്ഥാനങ്ങളിൽ പലയിടത്തും വരുന്ന ദിവസങ്ങളിലും ശക്തമായ മഴ തുടരുമെന്ന് കേന്ദ്ര കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകിയിട്ടുണ്ട്.